ФОТО | „Данок за богатите“: Американската политичарка Александрија Окасио – Кортез во елегантен фустан со моќна порака на Мет Гала
Александрија Окасио – Кортез го привлече целото внимание кога се појави во фустан со крој на сирена и предизвика бројни реакции на социјалните мрежи.
Американската политичарка се појави на Мет Гала во елегантен бел фустан со црвен натпис „Данок за богатите“.
View this post on Instagram
„Каква икона“, „АОК се појави во овој фустан на настан полн со богати луѓе. Оваа жена е посмела од било кој во Конгресот“, „Аплауз за испраќање силна порака на Мет Гала“, беа дел од коментарите на социјалните медиуми.
Но, имаше и такви кои покажаа помалку ентузијазам. Имено, некои коментираа зошто таа воопшто се појавила на Мет Гала, настан за кој најевтиниот билет чини 30.000 долари.
View this post on Instagram
„Масата на Мет Гала чини околу 275.000 долари, а еден билет околу 30.000 долари. Ако таа толку ги мрази богатите, зошто се појави на настан на кој само најбогатите луѓе во САД можат да си дозволат да учествуваат?“, коментираше еден корисник.
View this post on Instagram
Окасио – Кортез ги коментираше обвинувањата на својот инстаграм-профил.
„Пред да почнете да дивеете, владините претставници на Њујорк редовно се покануваат на Мет Гала да го надгледуваат користењето на јавните културни институции во нашиот град. Јас бев еден од ретките присутни. Фустанот беше позајмен“, објасни таа.
