Дамјан Стојановски најдобар кошаркар во Првата лига
Специјализираниот сајт за кошарка ги одбра најдобрите во македонската кошарка за изминатата сезона
Капитенот на МЗТ Скопје Аеродром и член на македонската репрезентација, Дамјан Стојановски е најдобриот кошаркар во Првата лига според специјализираниот кошаркарски сајт „Евробаскет“.
Сајтот редовно ги прогласува најдобрите во сите европски национални лиги по завршувањето на сезоната, а бидејќи КФСМ донесе одлука сезоната да се прекине без шампион и да нема испаѓањето од лигата, и Македонија се најде на радарот на „Евробаскет“.
Бекот на „металците“ е најдобриот домашен и играч на годината во македонската Прва лига.
Кошаркарот на Гостивар, Ѓорѓе Џелетовиќ е избран за центар на годината, како и „Босман“ играч на годината (странски кошаркари играчи во лигите кои не потекнуваат од САД).
Кошаркарот на Кожув, Еван Пејн е најдобриот на бековската позиција, а Двејн Бенџамин од Работнички, е крило на годината во нашата елитна конкуренција.
Неговиот соиграч од Работнички, Марјан Младеновиќ е најдобриот дефанзивец, а Ѓорѓи Кочов од МЗТ Скопје Аеродром, најдобриот тренер во сезоната.
„Евробаскет“ ја одбра и најдобрата домашна петорка во која се најде место за Марјан Младеновиќ (Работнички), Адем Мекиќ (Пелистер), Дамјан Стојановски (МЗТ Скопје А), Марјан Јанески (Куманово) иБојан Крстевски (МЗТ Скопје А), и странска: Еван Пејн (Кожув), Донован Доналдсон (Гостивар), Хејден Лесколт (Работнички), Двејн Бенџамин (Работнички), Алекс Лонг (Академија ФМП).
ИГРАЧ НА ГОДИНАТА: Дамјан Стојановски (МЗТ Скопје А)
БЕК НА ГОДИНАТА: Еван Пејн (Кожув)
КРИЛО НА ГОДИНАТА: Двејн Бенџамин (Работнички)
ЦЕНТАР НА ГОДИНАТА: Ѓорѓе Џелетовиќ (Гостивар)
ДОМАШЕН ИГРАЧ НА ГОДИНАТА: Дамјан Стојановски (МЗТ Скопје)
БОСМАН ИГРАЧ НА ГОДИНАТА: Ѓорѓе Џелетовиќ (Гостивар)
СТРАНСКИ ИГРАЧ НА ГОДИНАТА: Еван Пејн (Кожув)
ДЕФАНЗИВЕН ИГРАЧ НА ГОДИНАТА: Марјан Младеновиќ (Работнички)
ТРЕНЕР НА ГОДИНАТА: Ѓорѓи Кочов (МЗТ Скопје А)