Дамјан Шишковски се врати во Работнички – Слободен печат
СпортФудбал

Дамјан Шишковски се врати во Работнички

Тимот на Работнички утринава замина на подготовки во Банско каде ќе одигра четири контролни натпревари.

Голманот Дамјан Шишковски по финската епизода повторно е член на Работнички. Тој потпиша едногодишен договор со клубот, а од денеска му се става на располагање на тренерот Александар Влахо.

Шишковски замина од Работнички во Лахти во зимскиот преоден рок во 2018 година, а изминатава сезона беше член на Ропс, за кој настапуваше и во квалификациите за Лигата на Европа. Откако завршија неговите обврски со финскиот клуб, сега комплетно е на располагање на тренерот Влахо.

Тимот на Работнички утринава замина на подготовки во Банско. Таму ќе одигра четири пријателски натпревари, а противници се израелските клубови Хапоел Нир Рамат Хашарон (21 јули) и Хапоел Рамат Ган (24 јули), бугарскиот тим Септември (26 јули) и Алтин Асир (27 јули) од Туркменистан.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close