Дали знаете за што служел малиот џеб на фармерките?
Дали некогаш сте се запрашале која е целта на малиот џеб на класичните фармерки? Се испостави дека тој мал детаљ имал неколку различни цели низ историјата.
Компанијата „Levi`s“ првпат додале мал џеб на фармерките во 1873 година. Сепак, овој тип фармерки биле пуштени во продажба дури во 1890 година.
Историчарката Трејси Панек за „Инсајдер“ откри дека малиот џеб првично бил направен за џебните часовници, кои биле популарни во тоа време.
На овој начин, каубојците ги чувале своите часовници да не им паднат од панталоните додека јаваат коњи и работат други тешки работи на ранчот.
Се разбира, речиси никој повеќе не носи вакви часовници, но голем број модни брендови кои произведуваат фармерки го задржија малиот џеб со цел да се сочува оригиналниот изглед на фармерките. Дизајнот на „Levi’s“ не е многу променет од 19 век.
„Исклучок беше кога извадија некои од малите метални делови за време на Втората светска војна бидејќи сакаа да го зачуваат металот за воени цели. Меѓутоа, подоцна почнаа да ги додаваат на фармерките“, рече Трејси.