Дали трката за најдобриот во историјата е завршена – Таа е одамна завршена
Тренерот на Новак Ѓоковиќ, Горан Иванишевиќ смета дека трката за најдобриот тенисер во историјата е завршена.
Во последните години најактуелна тема во тенисот е таа која е најдобриот тенисер на сите времиња. Но „изборот“ се наоѓаат само три имиња, тие на Новак Ѓоковиќ, Рафаел Надал и Рожер Федерер кои се израмнети по бројот на освоени грен слем трофеи, сите тројца имаат по 20. Но, тренерот на Ѓоковиќ, Горан Иванишевиќ смета дека оваа трка одамна е завршена.
– За мене трката одамна е завршена, прашање е само кого повеќе сакате. Тие тројца имаат освоено 60 грен слем титули и тоа е неверојатно. Можеби некој повеќе го сака Федерер, некој Надал. Се е до вкусовите, јас знам кој е најдобар. Пред да ја започнам соработката со Новак, знаев кој е најдобар. Знаев кој е единствениот што може да освои четири грен слем титули по ред. Доколку го освои УС Опен, тогаш трката е завршена за сите времиња. Но, Надал е тука и ќе продолжи да се бори. Ќе дојде на УС Опен, следната сезона ќе биде на Ролан Гарос. Рафа сака да продолжи да се натпреварува, но Новак е најдобар. Тука повеќе нема дебати – изјави Иванишевиќ.