Дали топката ја помина гол-аут линијата: Сомнителен момент на мечот Јапонија – Шпанија
Откако ја урна Германија во првото коло (2:1), Јапонија на Светското првенство го совлада и вториот фаворит во групата „Е“, Шпанија и така неочекувано го освои првото место на табелата.
Азиската селекција во осминафиналната фаза ќе ги одмери силите против Хрватска следниот понеделник од 16.00 часот.
Јапонците направија целосен пресврт на стартот од второто полувреме, а крајно сомнителен е момент непосредно пред вториот гол кој го постигна Танака.
Митома на гол аут-линијата ја врати топката, асистираше до играчот на Фортуна Диселдорф кој ја затресе шпанската мрежа.
Судискиот тим предводен од Јужноафриканецот Виктор Гомес неколку минути ја разгледуваше оваа сомнителна ситуација и на крајот одлучи дека топката не ја помина гол аут-линијата и дека голот е регуларен.
👀👀👀#JPNESP #FIFAWorldCup https://t.co/IP0C1RNHl9 pic.twitter.com/wAh27r07TF
— Mirror Football (@MirrorFootball) December 1, 2022