Европа е во целосен хаос поради украинската криза но и по бруталниот настап на Америка во Минхен, а дополнителна неизвесност во трансатлантската односи придонесе и средбата на челниците од Москва и Вашингтон во Ријад каде немаше место за Европејците и Украинците.

Што тоа ќе значи за Европа и во која насока ќе се одвиваат релациите меѓу САД и Стариот континет се главните теми и дилеми за кои деновиве на големо пишуваат светски медиумски куќи.

Во просторијата каде што се одржуваше Минхенската безбедносна конференција, според дел од учесниците, по говорот на американскиот потпретседател, владее молк и тензија која речиси можеше да се почувствува.

Од друга страна во Ријад Американците и Русите почнаа да ја делат Украина и идните сфери на влијание на двете големи сили, без присуство на Европејците и Украинците. За нив немаше место ниту на клупата.

Во исто време Доналд Трамп му порача на Зеленски дека би можел да учествува во преговорите за иднината на Украина, но само кога ќе организира избори, бидејќи неговиот моментален рејтинг е под пет проценти.

Сето ова како што наведуваат медиумите за неколкуте европски лидери, запрепастени од шлаканиците од Минхен, набрзина се собраа во Париз, обидувајќи се да најдат „решение за новосоздадената ситуација“.

Сепак, американската јавност го коментираше нивниот собир како „средба на пропаднати идеи“ бидејќи Трамп им порача дека тие имале три години да ја решат војната во Украина, но тоа тие не го сториле.

Дали Американците конечно ги отрезнаа од нивната еднострана и нереална политика кон Русија, пишува српска Политика на темава.

Минхенската безбедносна конференција ги разниша двете страни на Атлантикот

Како што наведува медиумот со децении, Минхенската безбедносна конференција беше форум за остра, дури и напната, безбедносна дебата меѓу двете страни на Атлантикот. Но, сега европските сојузници на Вашингтон беа ужаснати од она што Џеј Ди Венс им го фрли во лице.

Пред да замине за Минхен, Венс изјави за „Волстрит журнал“ дека САД ќе имаат „економски и воени алатки на влијание“ доколку Русија не се согласи на задоволителен мировен договор со Украина.

Венс се состана со лидерите на десничарската Алтернатива за Германија АфД, која ја избегнуваат главните партии во Германија, пред парламентарните избори закажани за 23 февруари.

„Сега е јасно дека САД сакаат да ја уништат наредбата по Втората светска војна што ја создадоа. А тоа вклучува и уништување на ЕУ. Ќе мораме да бидеме подготвени за тоа и целосно да го промениме нашиот став“, изјави еден европски дипломат.

„Слушајќи го тој говор, тие се обидуваат да се расправаат со нас, а ние не сакаме да се расправаме со нашите пријатели“, рече Каја Калас, највисокиот дипломат на ЕУ, по говорот на Венс.

„Мораме да разбереме дека гледаме во нови Соединетите Американски Држави, онаа држава која ја гледавме во минатото веќе замија, рече друг европски дипломат, пренесе Ројтерс.

Поранешниот американски дипломат се присети на киселото смеење од присутните во една од главните простории за слушање надвор од преполната главна конференциска сала кога Венс ги спомна „заедничките“ вредности на САД и Европа.

Состанокот меѓу американската делегација, предводена од Венс, и украинскиот претседател Володимир Зеленски, што се одржа на маргините на Минхен, не ја разјасни позицијата ниту на Киев, ниту на Европа, пишува „Еуроактив“.

Во меѓувреме, Европејците се очекува да се соберат околу едно знаме во наредните денови за да се обидат да одговорат на овој предизвик, но големото прашање е што навистина можат да понудат.

Неколку европски дипломати во Минхен изјавија за Еуроактив дека можеби е време Европа да развие своја стратегија во случај американските напори да „отидат на друга насока“.