Дали оваа земја има најдобра стапка на смртност од коронавирусот?
Стапката на смртност на пациентите со Ковид-19 во Австрија е најдобра во светот, вели експертот за јавно здравје Армин Фидлер.
Тој вели дека Австрија, со 71 починат на еден милион жители е за 30 отсто подобра од соседна Германија.
Фидлер на прес-конференција за медиумите рекол дека на пример во Италија, Шпанија и Велика Британија можело да се види што може да се случи доколку мерките за спречување на вирусот не се преземат на време.
Експертот ја посочи и ситуацијата во САД, наведувајќи дека една студија покажува дека Америка можела да спречи смрт на 36.000 луѓе ако ги применила своите мерки една недела порано.
Фидлер истакнува дека причината за успех на Австрија била неверојатната дисциплина на жителите. Во Виена во првата недела од воведувањето на ограничувања на слободата на движење, социјалната мобилност паднала на три отсто.
Кога станува збор за Шведска, либералниот пристап довел до тоа, како што истакна Фидлер, да има повеќе од пет пати повеќе починати отколку во Австрија, а ниту економијата не е во подобра позиција.
„Никој не знаеше кој е вистинскиот пат“, констатираше експертот и додаде дека поединечни мерки можеби биле и претерани, но мора да се има на ум дека секој ден нешто ново се учи за коронавирусот.
Најмногу ризици Фидлер гледа во прославите, но и во посетите на цркви, па свадби и погреби.
„Посебна опасност од заразата постои секаде каде има многу луѓе и каде заедно пеат, односно разговараат“, објасни тој.
Фидлер кој е советник на владата на австриската покраина Форарлберг, наведе дека моментално низ светот има 105 проекти за пронаоѓање на вакцина против коронавирусот.
„Се уште не е сигурно дека во блиска иднина ќе добиеме вакцина“, предупредува експертот.