Дали новиот филм „Extraction“ ќе биде меѓу најгледаните филмови на „Netflix“ за 2020 година?
Обожавателите велат дека е јасно дека „Netflix“ сака да го „претвори“ ликот Тајлер Рејк кој е во улога на актерот Крис Хемсворт (37), во блокбастер икона како Џон Вик и Џејсон Барн, а судејќи според популарноста на филмот „Extraction“, големи се шансите дека тоа и ќе се случи.
Од компанијата „Netflix“ соопштуваат дека предвидуваат дека филмот ќе има повеќе од 90 милиони прегледи во текот на првите четири недели од неговата премиера, што ќе го направи најгледаниот оригинален филм на овој стримиг сервис.
Иако ваквите предвидувања претходно беа многу успешни и точни, американските медиуми наведуваат дека „Netflix“ моментално калкулира со информации што ги имаат само десет дена. А токму толку денови поминаа од моментот кога филмот се појави на платформата.
Филмот „Еxtraction“ е дело на режисерот Сем Харгрејв а во јавноста веќе се шпекулира дека филмот „сигурно ќе има повеќе продолженија“.