Ако вашиот тест на коронавирус бил позитивен, а вие одеднаш се чувствувате многу подобро, но подоцна симптомите повторно се појавиле, јасно е дека ќе се запрашате дали тоа е нормално.

Она што досега се знае е дека симптомите на болеста може да слабеат или да се интензивираат во периодот на закрепнување.

Некои болести, како настинките, секогаш се развиваат очекувано: прво почнува со течење на носот, па чувство на замор, а за неколку дена се чувствувате многу подобро. Но, пациентите со ковид-19 пријавуваат дека нивните симптоми се менуваат од ден во ден, па само после една ноќ може да се чувствуваат подобро.

Во моментов се знае дека таквиот развој на настаните е нормален, како и дека многумина закрепнуваат по неколку недели од појавата на симптомите, дури и ако нивниот интензитет се менува во периодот на закрепнувањето.

Сепак, некои пациенти искусиле и хронична состојба, па симптомите им биле еднакво тешки во текот на целиот период на закрепнувањето. Некои заболени пријавиле дека им е потребна дополнителна нега и шест месеци по дијагнозата или закрепнувањето.

Ако и вашиот тест на новиот коронавирус е позитивен, или верувате дека сте болни, но не сте се тестирале и симптомите не исчезнуваат и по еден месец, мора да се обратите кај лекар.