Дали Јувентус ќе избегне елиминација од Лигата на шампионите?

Фото: EPA-EFE/ALESSANDRO DI MARCO

Продолжуваат возбудувањата во Лигата на шампионите со реванш осминафиналните натпревари, Јувентус денеска брка негатива против Порто на домашен терен од 21.00 часот, а во истиот термин Севиља оди по изненадување во Дортмунд.

Во првите 90 минути Јуве изненадувачки загуби со 2:1 од португалскиот великан, но во добро расположение ја очекува возвратната пресметка после победите во Серија А над Специја и Лацио.

– Повеќе пати го гледавме првиот натпревар и вечерва мора да играме поразлично. Грешките од првиот меч не смеат да се повторат – рече тренерот на Јувентус, Андреа Пирло.

https://twitter.com/ChampionsLeague/status/1369182665312641026

Во составот на „Старата дама“ нема да бидат повредените Дибала и Де Лихт, а на спротивната страна под знак прашалник е настапот на Пепе.

Борусија Дортмунд е поблиску до пласман во четвртфиналната фаза, на првата средба како гостин обезбеди предност од 3:2 против Севиља.

Истата „милионерите“ ќе се обидат да ја одбранат без Санчо и Витсел кои се жалат на повреди, а кај Шпанците ќе недостасуваат Вазкез и Видал.

Видео на денот