Дали и Том Хенкс ти седи во скут? : Како Шерон Стоун се спротивстави на сексуалните вознемирувања во Холивуд!
Шерон Стоун е една од ретките актерки која отворено има зборувано за двојните стандарди кои владеат во Холивуд во однос на машките колеги. Кога Ли Кован на CBS пред две години ја праша дали работејќи во филмската индустрија, се сретнала со сексуално вознемирување, таа одговори: „Во оваа работа сум 40 години. Можете ли да замислите работа во која сум зачекорила пред толку години. Изгледајќи како што изгледам, дојдена од никаде, Пенселвенија и без никаква заштита? Се имам видено“.
И денес се прераскажува како Шерон на еден режисер, откако ѝ предложил да му седне во скут додека разговараат, таа му вратила со прашањето: „Дали и Том Хенкс ти седи во скут?“.
„Пред 20 години владееше една многу мизогинистичка ера. Мел Гибсон, кој е три години постар од мене, сметаше дека сум престара да глумам покрај него“, се присетила Шерон на само еден детаљ од Холивуд за германскиот „Вог“.