На секоја презентација на нови телефони, производителите не се двоумат да покажат колку е подобро од директната конкуренција и обично споредуваат како работат камерите. На премиерата на серијата P30, Huawei отиде чекор подалеку кога тие покажаа во живо како го подобрија зумирањето на камерата.

„Толку сигурни во нашиот производ“, рече претседателот на кинескиот гигант, Ричард Ју, на прашањето како тие одлучија да покажат фотографии на самото место, наместо да користат претходно подготвен материјал.

Новата комбинација на камери спакувани на задната страна на P30 Pro, исто така, треба да го потврди ова во пракса. Составена е од четири леќи, односно камери кои заедно, со поддршка на AI (вештачка интелегенција), несомнено даваат одлични фотографии.

Главната камера има 40MP со HUAWEI SuperSpectrum сензор за да добие повеќе светлина, што овозможува појава на чисти слики и видеосодржини првенствено во мракот. Иако овој сензор ја има истата резолуција како и главната леќа на P20 и Mate 20 Pro, тоа е сосема нов сензор кој е исклучиво направен од Sony за Huawei.

Објективот сега е поширок и е оптички стабилизиран, што е огромна промена. Покрај тоа, овој објектив има нов филтер за боја. Наместо традиционалниот RGGB филтер, филтерот RYYB сега се користи за замена на зелените пиксели со жолто. Ова доведе, како што вели Huawei, 40 отсто повеќе светлина од зелените сензори и, според тоа, подобра фотографија со слаба осветленост.