Дали е можно враќање на Карачиќ во Вардар?
Досегашниот клуб на Хрватот, Кјелце останува без главниот спонзор кој ќе мора да се ослободува од своите најголеми ѕвезди.
Повторно се активира се отвара прашањето кое веќе кружи неколку месеци – дали е можно враќање на хрватскиот интернационалец Игор Карачиќ во македонскиот и европски шампион?
Кјелце како што информираат полските медиуми ќе остане без главниот спонзор, компанијата „ВИВЕ“ и ќе мора да се ослободува од своите најголеми sвезди.
А помеѓу нив се поранешните играчи на Вардар, меѓу кои се Игор Карачиќ и Алекс Дујшебаев.
„Црвено-црните“ предводени од старо-новиот претседател Михајло Михајловски веќе го формираат составот за следната сезона.
Моментно на позицијата среден бек тренерот Стевче Алушовски ги има Мартин Карапалевски, Марко Мишевски, Стефан Крстевски и хрватското засилување Анте Гаџа.
Уште двајца плејмејкери се поврзуваат со трансфер во Вардар, тие се Миха Зарабец (Кил) и Ловро Јотиќ (Еурофарм Пелистер).
Воедно денеска на својот Инстаграм профил, руското лево крило на првакот, Тимур Дибиров објави слика од тренинзите на отворено и тоа со Карачиќ кој повторно е во главниот град.