Дали е добро или не децата да носат маски?
Дали е добро или не децата да носат маски, од која возраст тие се задолжителни, колку можат да сметаат во процесот на учење – се само некои од сомнежите што деновиве ги мачат родителите.
Светската здравствена организација (СЗО) и Фондот за деца на ОН (УНИЦЕФ) не препорачуваа децата на возраст меѓу 6 и 11 години да носат маски.
Од 12-тата година, тоа треба да биде задолжително, како и за возрасните, особено кога децата влегуваат во толпа и поминуваат време со многу луѓе во затворен простор, наведоа здравствените служби и агенциите за правата на децата на ОН.
Многу стручњаци, меѓутоа, предупредуваат дека во некои ситуации маските можат да пречат во процесот на учењето и негативно да се одразат на важните училишни активности, за што исто така мора да се размислува.
Повеќето се согласни дека барем помалите деца не треба да бидат обврзани на тоа, бидејќи не умеат сами да ги ставаат и да ги вадат маските на правилен начин. Освен тоа, повеќето експерти тврдат дека тие и не се преносители на вирусот.
Од друга страна, неодамнешната студија на Педијатриската болница за инфективни болести во Чикаго покажала дека токму децата под петгодишна возраст имаат меѓу 10 и 100 пати повеќе генетски материјал на коронавирусот отколку постарите деца и возрасните.