Економскиот аналитичар Зоран Павловиќ смета дека воведувањето на данокот на дополнителна добивка би било добро за економската состојба во Босна и Херцеговина, објави порталот Кликс.ба.

„Постојат одредени пазарни околности во кои некои ја злоупотребуваат состојбата на пазарот за да постигнат дополнителен профит. Ова мора да се оданочува покрај редовниот данок. Ако некој продавал, на пример гориво, додека маржата не била дефинирана, со значително повисока цена, па тој приход што се заснова на тој остварен екстра профит. Екстра добивка може да се дефинира врз основа на она што е вообичаено во одредена индустрија. Без разлика дали се работи за продажба на вода, гориво, телевизори или храна“, истакнува Павловиќ.

Тој додава дека во услови на инфлација трговците многу често се обидуваат да најдат начин да заработат повеќе, но дека тоа може да се утврди врз основа на стоката што се пушта во продажба.

„Да се ​потсетиме на случајот со путерот, трговците направија дополнителна добивка на која не плаќаа даноци, сосема е лесно и економски изводливо да се направи подзаконски акт кој ќе дефинира дали добивката е во согласност со нешто што е вообичаено за таа гранка. Ако некој остварил огромна добивка, тоа се смета за дополнителна добивка и како таква мора дополнително да се оданочува“, вели Павловиќ. Кога станува збор за тоа каде треба да се насочат даночните средства, Павловиќ смета дека би било „најправедно“ да се користат за деловни проекти и компании кои се во потешкотии поради моменталната состојба на пазарот.