Дали би го пробале ова ултимативно капучино од злато? (ФОТО)
И додека Италија не освојува со своето традиционално кафе, Дубаи, односно хотелот Бурж Ал Араб, оди еден чекор панатаму и ни нуди кафе со злато.
Сахн Едар лоби барот, сместен во внатрешноста на овој магичен хотел, служи „Ultimate Gold Cappuccino”, кое е декорирано со снегулки од 24 каратно злато.
Луксузното капучино е направено од 100 проценти Арабика кафе и млечна пена која е помешана со злато. Дизајнот и обликот на едро на самиот врв од капучиното го комплетира овој пијалок, а едрото е декорирано со уште поголема доза на злато.
Кафето се служи во златен послужавник со златна лажичка и црно колаче направено од најквалитетното белгиско чоколадо.
Иако не е познато колкава количина на злато се троши за подготовката на ова капучино, неговата цена изнесува 23 долари, што за ваков специјалитет, воопшто не е многу.