Далај-лама: Климатските промени најмногу влијаат врз најсиромашните, богатите ќе се „скријат“ во хотел

epa08640982 Tibetan living in exile watches the Tibetan spiritual leader, the Dalai Lama giving a televised speech on the occasion of the 60th anniversary of Tibetan Democracy Day at Dharamsala, India, 02 September 2020. On 02 September 1960, the first members of the Tibetan Parliament-in-exile in India formally took their oath of office, establishing the democratic system of Tibet. EPA-EFE/SANJAY BAID

Државите мора да се мобилизираат и да направат повеќе за животната средина, побара денеска тибетскиот духовен водач Далај-лама во обраќањето пред лидерите на развиените земји од Г7.

Тој истакна дека природните катастрофи и климатските промени најмногу влијаат на најсиромашните луѓе во светот.

Далај-лама учествуваше на виртуелниот состанок на лидерите на покана на претседателот на Претставничкиот дом на Америка, Ненси Пелоси. На состанокот присуствуваа лидери од Канада, Европската унија, Франција, Германија, Италија, Јапонија и Велика Британија.

– Денес треба да обрнеме поголемо внимание на глобалното затоплување, рече Далај-лама, кој ја доби Нобеловата награда за мир во 1989 година за својата посветеност кон животната средина и неговата ненасилна кампања за заштита на правата на Тибет, контролиран од Кина.

– Поради глобалното затоплување, во некои области врне премногу дожд, други области се погодени од суша. Овие луѓе страдаат, особено во Африка, делови од Индија и Кина, рече тој.

Далај-лама додаде дека климатските промени влијаат различно на луѓето, во зависност од нивниот животен стандард. Богатите луѓе, кои одат во големи хотели „навистина не ги чувствуваат” ефектите од глобалното затоплување, рече тој. Но, сиромашните се соочуваат со сериозен проблем.

Тибетскиот водач живее во егзил веќе 60 години во Дарамсала, во северна Индија. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот