Курти живее во паралелна реалност, вели Дачиќ
Министерот за надворешни работи на Србија, Ивица Дачиќ, во врска со изјавата на косовскиот премиер Албин Курти дека „конечен договор“ меѓу Белград и Приштина ќе биде постигнат напролет, рече дека „никаде не се споменати рокови, ниту се дел од некаков договор што е постигнат“.
Дачиќ за „Б92“ изјави дека Курти „живее во паралелна реалност“.
„За дијалог се потребни двајца, а понекогаш и тројца. Ако не им треба Србија, тогаш нема потреба од дијалог“ – рече Дачиќ.
На прашањето дали „француско-германскиот предлог“ е прифатлив за Србија, Дачиќ рече дека овој предлог „може да биде добра почетна точка за постигнување договор меѓу Белград и Приштина, доколку нема членство во ОН“ за Косово.
Косовскиот премиер Албин Курти денеска пред пратениците во Собранието на Косово изјави дека Европската унија и САД „планираат да март следната година да се постигне конечен договор меѓу Косово и Србија“,
Тој рече и дека самите ЕУ и САД „сакаат нова динамика“ и дека „тоа е предлог на ЕУ.
Вучиќ: Курти може да оди во Брисел кога сака, му посакувам среќен пат