Дачиќ: Да се уапсат сите кои ја загрозуваат безбедноста на претседателот Вучиќ

Ивица Дачиќ / Фото: EPA-EFE/DJORDJE SAVIC

Претседателот на Народното собрание на Србија, Ивица Дачиќ денеска побара од надлежните државни органи најсериозно да ги сфатат информациите поврзани со заканите кон претседателот на Србија, Александар Вучиќ и да ги уапсат сите кои ја загрозуваат неговата безбедност, пренесува Танјуг.

Дачиќ рече дека тоа е единствениот начин државата да ја покаже својата сила.

– Соочени сме со закани кои доаѓаат до претседателот Вучиќ за неговата безбедност и од организирани криминални групи. Бараме надлежните државни органи најсериозно да ги сфатат сите овие информации, да бидат уапсени сите кои ја загрозуваат безбедноста на претседателот на Републиката и државата да ја покаже сета своја сила – рече Дачиќ.

Тоа им го кажа на новинарите во Лесковац, каде што одржа средба со раководството на градските и општинските одбори од областа Јабланица, Пчињ и Пирот.

ВИДЕО | Вулин: Постои криминална група чија цел е атентат врз Вучиќ

Видео на денот