Дачиќ: Разговорот со Зарзецки беше добар, нема да има санкции – Слободен печат
ВестиРегион

Дачиќ: Разговорот со Зарзецки беше добар, нема да има санкции

Шефот на српската дипломатија оцени дека е во прашање редовна мисија на Зарзецки.

Разговорот беше коректен и добар и нема да има санкции, изјави српскиот министер за надворешни работи Ивица Дачиќ во Белград, по состанокот со директорот во Стејт департментот задолжен за санкции со Русија, Томас Зарзецки.

Според Дачиќ, Зарзецки бил задоволен од тоа што му го кажале, додавајќи дека „Србија сака отворени односи и нема што да крие”, јави дописникот на МИА од Белград.

Шефот на српската дипломатија оцени дека е во прашање редовна мисија на Зарзецки, затоа што врз основа на Законот за спротивставување на американските противници тој определува како да се спречат дејствијата против САД преку санкции.

-Тој проценува дали некој човек, компанија или држава треба да бидат под санкции. Тоа не е спектакуларна посета, тој веќе посети 60 земји- објасни Дачиќ, додавајќи дека основна порака што му ја пренел на Зарзецки е дека Србија сака отворен однос и нема намера да влегува во конфликт со САД.

Тој истакна дека Зарзецки барал разговори во Министерството за надворешни работи, дека тој го примил со цел да ја пренесе основната порака на Србија – дека сака целосно отворен, транспарентна однос, дека нема што да крие, ниту има намера да влезе во проблеми со САД.

-Од друга страна, реков дека имаме свои интереси во однос на заштитата на територијалниот интегритет и суверенитет и, според тоа, дека мора да водиме сметка за одбранбените способности и да водиме политика на воена неутралност- рече Дачиќ.

Зарзецки во Белград за останатите технички детали ќе разговара со претставници на министерствата за одбрана и финансии, додаде Дачиќ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close