Дачиќ: До крајот на годинава уште пет држави ќе го повлечат признавањето на Косово
Српскиот министер за надворешни работи Ивица Дачиќ изјави дека очекува до крајот на годинава уште пет држави да го повлечат своето призавање на незавсноста на Косово.
Одбивајки да ги обелодени имињата на државите кои најавиле преиспитување на својот став околу косовската независност, Дачиќ изјави дека во лобирањето, српската дипломатија многу голема подршка добила од Индија, што укажува дека веројатно се работи за неколку азиски држави.
– Индискиот министер за надворешни работи побара да му се достави список на држави кои веќе ја повлекле одлуката за независнист и оние држави кои би можеле да се премислат, изјави Дачиќ додавајки дека Индија уште од времето на СФРЈ и Тито има пријателска соработка со Белград, преку раководењето на Организацијата на земјите од движењето на неврзаните.
Досега одлуката за признавање на независноста на Косово ја повлекоа 15 држави.
Според српскиот министер за надворешни работи целта е бројот на државите кои ја признаваат независната Косовска држава да биде помалку од 97 земји членки на Обединетите нации.
Со таа бројка Белград очекува да се намалат шансите на Приштина која бара вчрез во светската организација и нејзините меѓународни иституции.