Да се излезе на марш и 8 Март да стане неработен ден
Освен промената на свеста кај жените да се борат за своите позиции, потребно е и институциите да се погрижат за законите кои веќе постојат.
Борбата за првата на жените не се води само на 8 Март, туку секој ден во годината. Гости во „Утрински брифинг“ на „Слободен печат“ беа Савка Тодоровска, од Националниот Совет за родова рамноправност и Соња Хаџи – Николов од Акција здруженска.
Тодоровска смета дека државата во последните години направила многу за подобрување на статусот на жената преку донесената легислатива. Хаџи – Николов пак смета дека сè уште е голема дискриминацијата.
Освен промената на свеста кај жените да се борат за своите позиции, потребно е и институциите да се погрижат за законите кои веќе постојат.
Прашани дали 8 Март треба да се издигне на ниво на 1 мај и да стане неработен ден за сите граѓани, двете активистки сметаат дека дефинитно овој ден треба да стане неработен и да се излезе на марш на кој ќе се бараат правата, но и ќе се одбележи борбата на жените, за разлика од веќе воспоставената пракса на славење на овој ден со цвеќиња и подароци.