Д-р Пановски апелира до сите со една доза вакцина: Не влегувајте таму каде власта ви дозволува, под ризик сте
Микробиологот проф. д-р Никола Пановски, со објава на социјалната мрежа Фејсбук, им се обрати на оние жители коишто деновиве ја примиле првата доза од вакцината против ковид-19, а го немаат прележано вирусот.
– Почитувани жители на Македонија, вие кои сте примиле една доза вакцина деновиве или ќе ја примите следниов период, а не сте прележале ковид. Ве молам да не влегувате во објектите во кои власта ви дозволува да влегувате. Вие сѐ уште немате имунитет, не сте заштитени, под голем ризик сте таму да се заразите и потоа да ја ширите заразата. Потврдата не ве штити од зараза, нека не ви дава лажна сигурност. Откога ќе ја примите втората доза и ќе поминат две недели, тогаш може да претпоставиме дека сте заштитени, напиша д-р Пановски.
Д-р Пановски: Да понесат одговорност тие што дозволија да имаме 5000 нови случаи на ковид-19 дневно