Д-р Никола Пановски: Додека не дојде вакцина учениците да продолжат со онлајн настава
Сè уште е рано за учениците да почнат да се враќаат на физичка настава, макар и само за тестирање. До јуни треба да продолжи онлајн наставата, како што веќе започна второто полугодие – вели во разговор со „Слободен печат“ микробиологот д-р Никола Пановски,
Иако второто полугодие продолжи со хибриден модел, односно учениците над трето одделение повторно следат настава на далечина, сепак како што дознава „Слободен печат“, во некои од училиштата во Скопје наставниците веќе најавуваат постепено враќање во училишните клупи.
Конкретно, во училиште во Карпош на учениците им е најавено дека тестовите сега ќе се вршат со физичко присуство, со што полека ќе започне враќање на учениците на традиционалниот начин на учење.
– Сметам дека до јуни треба учениците да продолжат со онлајн настава. Треба да биде онлајн и не верувам дека тоа ќе се промени. Додека не дојде вакцина треба да биде вака. Не гледам разлика од состојбата сега и во септември. Исти се бројките на новозаболени со тие што беа во септември. Точно е дека се бројките се намалуваат малку, и треба да продолжат така, а за да не ни се повтори во април или мај ситуацијата како во октомври и ноември, онлајн наставата треба да продолжи – вели д-р Пановски за „Слободен печат“.
Матуранти од повеќе градови утринава со целосен бојкот на наставата