Д-р Митов: Не смееме да не оставиме простор за еден мал Х, сепак се работи за вирус кој не ни е познат
Макрон имаше обраќање до нацијата, САД со радикални мерки, Борис Џонсон со долга седница на Владата, Македонија со препораки…
-После Италија загрижувачки е дека истиот тренд може да се префрли во Шпанија. Вирусот слободно шета, се шири од луѓе на луѓе и некои од мерките не го засегаат. Духот е излезен. Во Италија најверојатно не се фатени сите случаи. Се случува нешто во позадина, кое ќе го видиме во наредните денови. Ќе ја земам и Македонија како пример и дискрепанцата која загрижува. Имаме официјално потврдени девет случаи, а де факто можеби имаме над 50. Главната вина е во бројот на детектирани случаи односно направени тестови, вели д-р Митов во „Утрински брифинг“ на „Слободна ТВ“.
Информацијата дека во Вухан се затвори последната болница со пациенти од коронавирус е охрабрувачка вест, но сега кризата е префрлена во Европа, а и Јужна Кореја, која за брзо време детекрираше пациенти заболени до Ковид- 19.
-Не е тајна дека Јужна Кореја тоа го правеше најмасовно. Затоа можеби имаат најдено и најмногу случаи од една страна, но и најмалку смртни случаи во исто време. Не смееме да не оставиме простор за еден мал Х. Сепак станува збор за еден нов корона вирус, кој што сосема не ни е познат, неговото однесување се уште не ни е јасно, потенцираше Митов.