Д-р. Кочева во Утрински брифинг: Не ги занемарувајте симптомите на леукемија

Од 35 до 45 деца годишно заболуваат од малигна болест. Најголемиот број од нив имаат акутна леукемија. Оваа болест не може да се спречи и да се превенира таа се случува ненадејно. Започнува со многу неспецифични симптоми и брзо се препознава, изјави проф. д-р. Светлана Кочева, раководител на одделението за леукемија, на Детската клиника Скопје, во „Утрински брифинг“ на „Слободна ТВ“.

– Болеста вообичаено започнува со намален апетит, губиток на телесната тежина и промена на располежението на децата. Кај поголем број од децата се јавуваат болки во коските и зголемена телесна температура. Кога болеста ќе се прошири, се појавуваат и специфични симптоми кои докторите ги препознаваат и затоа болеста брзо се дијагностицира, објаснува д-р. Кочева.

Таа нагласува дека акутната лимфобластна леукемија е болест што се лекува.

– Резултатите од последните години покажуваат значителен напредок во лекувањето на болеста. Можеме да кажеме дека повеќе од 90 проценти од децата се излекувани од оваа болест, информира проф. д-р. Кочева.

На детската клиника изминатово деноноќие се прегледани 86 деца, од нив три се хоспитализирани со симптоми на грип, изјави во „Утрински брифинг“ на „Слободна ТВ“, др. Весна Мицевска.

– На клиниката во моментов се хоспитализирани 34 деца, и сите се во добра состојба. Грипот го достигнува својот врв и очекуваме дека од наредната недела веќе ќе се намалува вели д-р. Мицевска, и препорачува да се избегнуваат места на кои има голема фрекфенција на луѓе.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот