Д-р Исјановски се откажа од советничкото место: Треба човек да има образ и да биде скромен
Директорот на Здравствен дом, доктор Виктор Исјановски се повлече од советничкото место во скопската општина Карпош, каде што беше и носител на листата, вели тој во изјава за Локално.
-Пред се помислив да не има некој конфликт на интереси бидејќи сум на позиција на една голема државна функција како директор на Здравствениот дом-Скопје имам доста ангажамани со пандемијата како и во моментов со вакцинацијата за сезонскиот грип. На изборите освоивме осум советнички места во општината Карпош, кажа Исјановски.
Треба човек да има образ и да биде скромен, сепак сум директор и професор на Медицинскиот факултет имам повеќе ангажмани и би било во ред спрема партијата и граѓаните да го отстапам местото на следниот кандидат, додаде тој.
И директорката на Универзитетската клиниката за пластична и реконструктивна хирургија, која ја предводеше советничката листа на СДСМ за Град Скопје на локалните избори, се повлече од Советот на град Скопје поради како што кажа таа, професионални обврски.
Д-р Софија Пејкова се повлече од советничката функција во Град Скопје