Д-р Беќаровски: Одлуката еден ден по прва доза да се имаат сите права е епидемиолошки неиздржана
Проф. д-р Нико Беќаровски од Клиниката за токсикологија, со објава на социјалната мрежа Фејсбук, им се обрати на колегите од Комисијата за заразни болести.
– Почитувани колеги, членови на здравствената комисија, ве замолувам:
1. На првиот состанок ревидирајте ја бесмисленоста на одлуката за вистински прележаните од ковид-19 и 45 дена заменете ги со логичните 9-12 месеци. Тие луѓе веќе поминаа една голгота, имаат имунитет и не ги терајте со сила во прегратките на антиваксерските промотори.
2. Одлуката еден ден по прва доза да се имаат сите права е медицински и епидемиолошки неиздржана и е погрешен начин за стимулација на вакцинацијата!
Драги колеги, да останеме тоа што најдобро го знаеме, доктори, а не политиканти, пишува д-р Беќаровски.
Американска анти-ваксерка починала од Ковид: „Вакцинирајте ми ги децата“