Тимот од „Олд Трафорд” вечерва во Премиер лигата „црвените ѓаволи“ одиграа само 0:0 против Вулверхемптон во последниот саботен дуел од 25. премиерлигашко коло.

За „црвените ѓаволи“ дебитираше и новото зимско засилување Бруно Фернандеш кој после мечот рече дека е среќен од својот прв настап. Едвај го чека наредниот меч и се надева на освојување на три бода.

Со биланс девет победи, осум нерешени и осум порази, екипата на Оле Гунар Солскјер моментно е на шестата позиција на табелата со 35 бода исто колку што има и Вулверхемптон.

11 – Manchester United are unbeaten in 11 home games against Wolves in all competitions (W9 D2), since losing 0-1 in February 1980 in a top-flight match – they haven’t trailed for a single minute in all those 11 unbeaten games. Impenetrable. #MNUWOL pic.twitter.com/qfENe8f0BP

— OptaJoe (@OptaJoe) February 1, 2020

Падот на табелата на Јунајтед може да продолжи и в недела, доколку Тотенхем кој има 34 бода забележи победа во дербито со Манчестер сити.

Пред Манчестер јунајтед на табелата се: Ливерпул 73 бода, Манчестер сити 51, Лестер 49, Челзи 41 и Шефилд јунајтед 36.

Претходно Челзи одигра реми на гостувањето кај Лестер сити со резултат 2:2, додека продолжува доминацијата на Ливерпул кој е чекор поблиску до шампионската титула.