По исфрлањето на Палермо во третата лига во Италија, македонскиот репрезентативец е еден од најбараните фудбалери на тимот од Сицилија. По неколку италијански прволигаши кои пројавија интерес за потпис со македонскиот голгетер, сега ви трката влезе и шампионот на Србија, Црвена звезда.

„Црвено-белите“ се свесни дека Ричмонд Боачи на лето ќе ја напушти екипата, и затоа почнаа потрага по расен но и брз напаѓач со кој би се обиделе и наредната сезона да настапуваат во Лигата на шампионите. Изборот на управата на
Црвена звезда падна токму на македонскиот репрезентативец кој сезонава на 26 натпревари за Палермо во Серија Б, постигна 14 голови.

Несторовски и минатата година беше поврзуван со трансфер во Црвена звезда но српскиот тим немаше пари да го откупи неговиот договор, а не го прифати предлогот на Палермо, да плати милион евра за едногодишна позајмица.