Црвена звезда на чекор до титулата во АБА лигата, неверојатен натпревар во Белград

epa08899753 Ognjen Dobric (L) of Crvena Zvezda Belgrade in action against Austin Hollins (R) of BC Zenit during the Euroleague basketball match between BC Zenit St. Petersburg and Crvena Zvezda Belgrade in St. Petersburg, Russia, 22 December 2020. EPA-EFE/ANATOLY MALTSEV

Кошаркарите на Црвена звезда дојдоа на чекор од освојување на титулата во АБА лигата откако во драматичен натпревар го совладаа Будуќност со 85:79 и поведоа со 2:0 во финалната серија која се игра до три победи.
Првата шанса да дојдат до титулата, „црвено-белите“ ќе имаат во сабота во Подгорица.
Вториот натпревар во финалната серија понуди фантастична кошарка, кошаркарите на Црвена звезда доминираа во првото полувреме кога имаа предност од дури 20 поени (37:17), но во третата четвртина Будуќност направи неверојатен пресврт, го добија третиот дел од 29:8 и поведоа со 61:70.
Во последната четвртина „црвено-белите“ кои претходно промашија дури 11 шута за три поени по ред, успеаја да се вратат во игра и тоа благодарение на Добриќ кој е најзаслужен за серијата од 13:0 со кој неговиот тим поведе со 78:74.

Потоа се играше поен за поен, а со тројката на Ивановиќ, Будуќност поведе со 78:79 , но Добриќ возврати со тројка за 81:79 по што со добра игра во одбраната успеаја да ја сочуваат предноста и на крајот да дојдат до конечна победа од 85:79 и со предност од 2:0 во победи да одат во Подгорица на третиот натпревар.
Огњен Добриќ со 27 поени беше најдобар во тимот на Црвена звезда, Џордан Лојд постигна 16 поени додека как Будуќност, Данило Николиќ уфрли 26 поени.

Видео на денот