Црвена Звезда им се врати на победите во Евролигата (ВИДЕО)
Кошаркарите на Црвена Звезда во Каунас ја совладаа екипата на Жалгирис со 61:59, во натпревар од 10. коло во Евролигата.
Во неизвесен меч пресуди подобрата одбрана на „црвено-белите“ и прецизното изведување на слободните фрлања. Србите во наредното коло ќе ја пречекаат екипата на Валенсија, додека Литванците на гости одат кај Алба.
Кошаркарите на Црвена Звезда во Каунас ја прекинаа серијата на лоши резултати и во 10. дуел сезонава го забележаа третиот триумф во најквалитетното европско клупско натпреварување.
Во еден драматичен и тежок дуел, Црвена Звезда до триумфот стигнаа благодарение на дефанзивата и слободните фрлања во чиј сегмент скоро беа максимално прецизни (18/20).
Жалгирис имаше неколку шанси да поведе во завршницата, но играчите на Јасикевичиус не успеаја, па го претрпеа седмиот пораз во Евролигата.
Били Берон беше најефикасен во победничките редови со 14 поени, два помалку запиша Лоренцо Браун. На спротивната страна по 11 поени имаа Улановас и Григонис, додека Лендејл додаде 10.