По триумфот над Цибона, навивачите на Црвена звезда сигурно ќе бидат задоволни од засега непроверените информации од Барселона.

Според кошаркарскиот новинар Лука Д’Алесандро, Црвена звезда е многу близу до добивање лиценца за играње во Евролигата во траење од две години.

Тоа би значело дека белградските „црве-белите“, без оглед на исходот од годинешната сезона во АБА-лигата, сигурно ќе играат во елитното европско натпреварување во сезоните 2021-22 и 2022-23.

Kk Crvena Zvezda Mts Belgrade is very close to a two-year Euroleague license, which means it would play the elite European club competition in the 2021/22 and 2022/23 seasons, regardless of the results achieved in the regional competition

— Luca D'Alessandro (@LucaDa18) March 16, 2021

Таквите најави треба да се земат со доза на резерва, бидејќи Д’Алесандро умееше да објавува сензационални вести и во минатото, но и да погоди.

Во своите претходни јавни изјави, шефот на Евролигата, Жорди Бартомеу, ја истакна важноста на клубовите од поранешна Југославија и дека тие треба да имаат барем еден претставник во Евролигата.

Ваквиот евентуален исход секако би го израдувал клубот од Србија, но исто така би предизвикал „бура“, особено кај челниците на најсилните клубови на Јадранот, бидејќи тоа практично би значело дека нема место за нив во Евролигата барем уште две години..