Кошаркарите на Црвена звезда вечерва го декласираа Баерн Минхен со 93:63 во 17. коло од Евролигата. Победата изразена од 30 поени разлика е највисока за „црвено-белите“ во историјата на Евролигата.

Пред 16.824 гледачи во „Штарк“ Арената, домашмните кошаркари уште во првата четвртина го најавија убедливиот триумф откако ја решпија во своја корист со 25:13. На крајот, кошаркарите на Звезда дојдоа до најубедливата победа, надминувајќи го триумфот над Макаби од 25 поени (83:58).

Турскиот Фенербахче со триумфот на гости во Пиреја кај Олимпијакос од 87:96 ја прекина серијата од четири порази по ред и најави излез од големата криза. Неверојатен беше Нандо ДеКоло со 32 постигнати поени.

Жалгирис Каунас пред своите гледачи благодарение на пресвртот во второто полувреме, славеше против Макаби Тел Авив со 73:68.