„Црвена револуција“ на Клоп, две засилувања за тим на соништата
Јирген Клоп во текот на вчерашниот ден на голема радост на навивачите на Ливерпул, го продолжи договорот до 2024 години, по што веднаш започна со планови за засилување на екипата.
Според меидумите на островот, Клоп планира да продаде двајца фудбалери до крајот на сезоната, Дејан Ловрен кој би си заминал уште во зимскиот преоден рок доколку пристигне задоволителна понуда, но и изненадувачки на трансфер листата ќе биде ставен и Мохамед Салах.
Еден од најдобрите фудбалери на Ливерпул во последните две сезони, не е во најдобри односи со Клоп но и со неколку фудбалери, пред се Садио Мане, и најверојатно идното лето ќе биде продаден. Најголем интерес за услугите на Салах покажува Реал Мадрид кој ќе мора да издвои најмалку 150 милиони евра доколку сака да го купи фантастичниот египетски репрезентативец.
Медиумите во Англија тврдат дека работата со Салзбург е веќе завршена и Минамино во зимскиот преоден рок ќе потпише за европскиот шампион, а на листата на желби се наоѓаат уште две супер ѕвезди, Калиду Кулибали и Нејмар.
Планот на Клоп е со парите заработени од евентуалната продажба да се ангажира Кулибали од Наполи, со што Ливерпул со него и со Ван Дајк би имал вистински бедем пред голот на Алисон.
Клоп верува дека ќе успее да го натера Нејмар да потпише за Ливерпул со што би било многу поблиуску до освојување на златната топка. Германецот веќе добил зелено светло од сопствениците на „црвените“ да разговара за евентуален трансфер на Нејмар кој би го чинел клубот најмалку 200 милиони евра.