Црногорската Влада предложи докапитализација на националната авиокомпанија Монтенегро ерлајнс со инвестирање на 155 милиони евра во следните шест години за да се покријат доспеаните обврски на компанијата кон доверителите и инвестициите во развој.

Владата ова го објави по синоќешната седница, прецизирајќи дека во сумата биле вклучени и до 50 милиони евра нето за набавка на нови црногорски авиони, соопшти РТЦГ.

– На денешната седница, со која претседаваше премиерот Душко Марковиќ, Владата го утврди Предлог-законот за инвестирање во консолидација и развој на Друштвото за транспорт на патници и стока во воздушниот сообраќај Монтенегро Ерлајнс со што се создаваат основни предуслови за пазарно работење на црногорскиот национален авиопревозник – се вели во соопштението.