Црно деноноќие за Хрватска со неславни рекорди: Најмногу заразени и починати
Хрватска во последните 24 часа се потврдени 3.573 случаи на коронавирус, а починаа 47 лица. Тоа е најголем број на нови дневни случаи на зараза од почеток на епидемијата.
Од почетокот на епидемијата, во Хрватска се потврдени 100.410 случаи на коронавирус, од кои 1.304 лица починале, а се оправиле 80.027 лица.
До денеска вкупно се тестирани 667.749 лица, од кои 9.877 во последните 24 часа.
Во Загреб денеска има 822 нови случаи на коронавирус, соопшти хрватскиот завод за јавно здравство. Бројот на заразените во Загреб, во однос на вчера е зголемен за 198 случаи.
Моментално во хрватската престолнина има 3.481 активен случај, пренесуваат хрватските медиуми.