Националното координативно тело за заразни болести на Црна Гора ја продолжи примената на мерките против ширењето на коронавирусот во Подгорица за уште седум дена.

Исто така, надлежните инспекциски служби се задолжени веднаш да започнат со спроведување на строги контроли за усогласеност со пропишаните мерки, пренесува „Вијести“.

Мерките, кои беа воведени пред една недела, вклучуваат носење заштитни маски во затворено и на отворено, вклучително и за деца на возраст над седум години.

Маските се задолжителни во возилата за јавен превоз и во возила за сопствени потреби што се користат за превоз на вработени, како и во патничките автомобили, освен за членовите на истото семејство, потесетуваат црногорските медиуми.

Собирањето граѓани на отворено јавно место е ограничено на 40 лица, а на затворено на 20 лица, со обврска да го почитуваат физичкото растојание од најмалку два метра и да носат заштитни маски.

Пропишани се и посебни превентивни мерки за угостителските објекти, спортски сали и фитнес центри.