Националното координативно тело за заразни болести (НКТ), на предлог на Институтот за јавно здравје (ИЈЗ) прогласи крај на епидемијата од коронавирус во Црна Гора.

#NKT odluičilo na predlog @ijzcg: U CG se proglašava kraj epidemije #COVID19!
Ovo je rezultat višemjesečnih napora svih u sistemu i naših građana. Hvala na povjerenju!
Neke mjere će biti ukinute, ali kako pandemija još traje, ostaju na snazi mjere protiv importacije virusa. pic.twitter.com/70Zqv1ifef

— Vlada Crne Gore (@VladaCG) June 2, 2020

– Ова е резултат на неколкумесечните напори на сите во системот и на нашите граѓани. Ви благодарам за довербата ! Некои мерки ќе бидат укинати, но со оглед на тоа што пандемијата се уште трае, остануваат во сила мерките против импортација на вирусот, соопшти Владата на својот официјален профил на Твитер.

Поминаа 28 дена откако во Црна Гора не се регистрирани нови случаи на коронавирус. Тоа значи дека се исполнети сите услови за официјално да се прогласи крај на епидемијата, јавуваат црногорските медиуми.

– Од вчерашниот пресек на состојбата, завршени се анализите на 133 примероци, меѓу кои немаше нови случаи на инфекција со Ковид-19. Сè уште нема активни случаи, објави претходно Институтот за јавно здравје.

Првиот случај на коронавирус во Црна Гора беше регистриран на 17 март.

Имаше вкупно 324 регистрирани случаи, од кои 315 се излекувани, а деветмина пациенти починаа.

Во моментов, 1.064 луѓе се под надзор.