Црн ден за спортот: Ракометар од БиХ загина во сообраќајка, млад шпански фудбалер се удави
Денеска двајца спортисти ги загубија животите.
Босанскиот ракомет е во шок откако животот во сообраќајна несреќа го загуби играчот на Чапљина, Иван Бркиќ.
Трагичната несреќа се случила утринава, нешто по еден часот по полноќ кога автомобилот на 28-годишниот ракометар излетал од патот во близнина на местото Модриќ во Босна и Херцеговина. Бркиќ бил префрлен во Мостар, но за жал докторите не успеале да го спасат животот на ракометарот.
S izrazitom tugom i nevjericom Rukometna akademija Čapljina izražava sućut obitelji tragično preminulog, našeg igrača,…
Publiée par Rukometna Akademija Čapljina sur Dimanche 21 juin 2020
„Со голема тага и неверување Ракометната академија Чапљина изразува сочуство до семејството на трагично загинатиот, нашиот играч, пријател и голем човек, Иван Бркиќ. Чест беше да го познаваме Иван, кој во нашите животи остави голема трага. Драг Иван до нашето следно видување на некои други ракометни терени, почивај во мир“, напиша РК Чапљина на официјалната Фејсбук страница.
Во Шпанија животот го загуби младиот 17-годишен фудбалер на младите категории на Лас Палман, Хорхе Санчез.
Тој се удавил во каналот Орељана во драгот Дон Бенито во близина на Бадахоз. Покрај Санчез, животот го загубил и неговиот пријател кој имал само 15 години.
Muere Jorge Sánchez Vaca, canterano de la UD Las Palmas, a los 17 años https://t.co/JN0JAJVqol a través de @A3Noticias
— Pepi Martinez (@pepi_pe) June 21, 2020
Хорхе Санчез целата кариера ја помина во тимот на Лас Палмас, играше во сите младински категории, а во наредната сезона се очекуваше да биде повикан и во првиот тим на Лас Палмас.