ЦРН ЧАД НАД ИРАНСКО ПРИСТАНИШТЕ: Избил пожар и зафатил резервари со НАФТА (ВИДЕО)
Денеска избил пожар во објект за складирање на нафтени продукти во пристаништето Шахид Раџа на иранскиот брег на Персискиот залив, соопшти иранската известувачка агенција Ирна.
Иранската агенција известува за драмата на брегот и почетокот на борбата на итните служби со огнената стихија.
Пожарникари се наоѓаат на местото и се обидуваат да го контролираат пожарот, кој бил пропратен со експлозии, пренесува агенцијата, не изнесувајќи повеќе детали за моменталната ситуација.
Пожарот најпрво избувнал на машина која се користи за кревање на контејнери во пристаништето, а потоа се проширил на делови од пристаништето кои се користат за скалдирање на нафтени производи.
Засега нема информации за евентуални жртви, а на видеото може да се види црн облак од чад кој е е формиран над пристаништето.