Циципас конечно го победи Медведев
Стефанос Циципас со триумф го стартуваше настапот на завршниот Мастерс турнир во Лондон на кој играат најдобрите осум тенисери годинава. Гркот за еден час и 43 минути игра со 7:6,6:4 и дојде до првиот триумф над Медведев по петте порази во последните две години.
Циципас беше тенисерот кој играше подобро на почетокот, во вториот гем имаше брејк шанса но не ја искористи и првиот сет се решаваше со тај брејкот. Во него поуспешен беше Циципас кој ја искористи првата сет топка по 55 минути игра.
Идентично се играше и во вториот сет, тенисерите немаа брејк шанса се до седмиот гем. Тогаш Медведев успеа да спаси две брејк топки на свој сервис, но два гема подоцна не можеше да ги издржи налетите на Циципас кој потоа со сигурен сервис ја обезбеди победата на стартот од Мастерсот во Лондон и притоа дојде до прв триумф над Медведев во шесте меѓусебни пресметки.