Цената на „црното злато“ при денешното тргување на светскиот пазар за нафта остана стабилна, поддржана од намаленото производство на големите производители.

Сепак трговците останаа внимателни поради зголемениот раст на бројот на новозаразени лица со новиот корона вирус низ светот кој би можел да го успори опоравувањето на побарувачката за гориво.

Северноморската нафта „Брент“ забележа раст од 10 центи или 0,2 отсто, и сега се продава по цена од 42,29 долари за барел.

Американската „ВТИ“ нафта за испорака во август зајакна за четири центи или 0,1 отсто и сега изнесува 39,87 долари за барел, пренесува Ројтерс.