Целото население на Вухан ќе биде тестирано за коронавирус

Коронавирус во Кина/ Фото: EPA-EFE/ROMAN PILIPEY

Оперативниот штаб на Вухан наложи за десет дена да се изврши скрининг на населението за Ковид-19, откако се појавија нови случаи на заразени во градот.

На 9 мај, за прв пат во Вухан беше забележан нов случај на зараза со коронавирусот по завршувањето на пандемијата, како и 16 асимптоматски носители на вирусот.

Точно 24 подоцна, пет лица покажаа клинички знаци на болеста и беа прекласифицирани како потврдени случаи. Ова доведе епидемиолошка закана во областа да се зголеми од ниска на средна.

На 18 април, Вухан беше одреден како област со низок ризик, а на 26 април, болница во градот го отпушти последниот пациент со коронавирусот.

Оперативниот штаб во Вухан за борба против Ковид-19 сега испратил итна порака до сите оперативни штабови во градските области во врска со ситуацијата.

Донесена е одлука да се спроведе скрининг на целото население во Вухан за присуство на вирусна нуклеинска киселина, а тестовите треба да бидат завршени во рок од 10 дена.

На 8 април властите во Кина целосно ја укинаа сообраќајната изолација на Вухан и им дозволија на луѓето да го напуштат градот, кој поради коронавирусот 76 дена беше отсечен од светот.

Во Вухан живеат околу 11 милиони луѓе.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот