Целосно затворен за сообраќај булеварот „Крсте Мисирков” кон Бит пазар

Делницата во правец кон Бит пазар, од крстосницата со бул.„Гоце Делчев” до клучка Детелинка од утре (22 август) од 8:30 часот до задутре (23 август) до 8:30 часот, ќе биде целосно затворена за сообраќај поради асфалтирање на бул.„Крсте Мисирков”.

Автобуските линии што сообраќаат на овој потег ќе бидат пренасочени кон Скопски саем и клучка Континентал и назад кон клучка Детелинка, соопшти ЈСП Скопје.

Линиите 2, 16, 43 и 50 од крстосницата на бул. „Гоце Делчев” со бул. „Крсте Мисирков”, наместо да свртат лево, ќе продолжат право кон Скопски саем и од постојката кај хотел „Континентал” ќе продолжуваат по своите редовни траси.

Линиите 8, 17, 19, 26, 57, 57А и 59 од крстосницата на бул. „Гоце Делчев” со бул. „Крсте Мисирков”, наместо да свртат лево, ќе продолжуваат право кон клучка Континентал, од каде ќе излегуваат на бул. „Александар Македонски” и од клучка Детелинка ќе продолжуваат по своите вообичаени траси.

Прочитајте и...  Груевски до Русковска: Никогаш не сум избегал од соочување со правдата

Времениот сообраќаен режим ќе важи до завршување на градежните работи на овој потег, а се очекува за многу краток период, со нанесување на завршниот слој на асфалтот, да биде комплетирана реконструкцијата на булеварот во двете насоки.

Реконструкцијата на булеварот Крсте Мисирков опфаќа должина од 1.350  метри во двете насоки, а претставува дел од интензивните градежни активности на Град Скопје за подобрување на сообраќајната инфраструктурата во Скопје.

Линиите 9, 20, 35, 47, 47А, 61, 71 и 81 од крстосницата на бул. „Крсте Мисирков” со бул. „Гоце Делчев”, ќе вртат десно кон Скопски саем, па кон клучка Континентал, од каде ќе излезат на бул. „Александар Македонски”, а од клучка Детелинка ќе продолжуваат по своите вообичаени траси.

Прочитајте и...  Белгија не ги откажува школските екскурзии во Италија

Линиите 45, 52, 53, 54, 55, 55В, 62, 63, 63А, 65, 65А, 65Б, 65В, 66, 66А и 68 од крстосницата на бул. „Крсте Мисирков” со бул. „Гоце Делчев”, ќе вртат десно кон Скопски саем и од постојката кај хотел „Континентал” ќе продолжуваат по своите вообичаени траси.

Во обратен правец, посочените линии ќе сообраќаат по вообичаените траси, информираат од ЈСП Скопје.

Градот Скопје апелира до сите учесници во сообраќајот да ја почитуваат поставената сообраќајна сигнализација и да се придржуваат до времено поставениот режим на сообраќај. Истовремено, ги замолуваме сите учесници во сообраќајот за трпение и разбирање поради можното отежнато одвивање на сообраќајот во овој дел на градот.

Прочитај повеќе

Силен ветер во Скопје вечерва корнеше покриви од згради и дрва (ФОТО+ВИДЕО)

Слободен печат

Хонгконг на околу седум милиони жители ќе им подели по 1.280 долари во готово

Слободен печат

Почнаа карневалските празнувања во Струмица

Слободен печат

АКЦИЈА ВО УКРАИНА: Властите уништуваат 37.000 шишиња нелегално произведена вотка

Слободен печат

Руската полиција заплени бетмобил (ВИДЕО)

Слободен печат

Асанж се пожали дека не може да ја следи постапката за екстрадиција: Во ова учествувам како да гледам Вимблдон

Слободен печат

Остави Коментар

Прочитај повеќе

Трамп најави пресконференција за коронавирусот

Слободен печат

Додик: Посетата на Ѓукановиќ на БиХ е штетна по националниот интерес на Република Српска

Слободен печат

Тавила: Северна Македонија е подготвена за рано откривање на случаите со коронавирусот

МИА Агенција

Јенс Шпан: Германија е на почетокот од епидемијата на новиот коронавирус

Слободен печат

Листата на чекање сѐ подолга: Речиси осум илјади луѓе сакаат да патуваат во вселената

Слободен печат

Струмичкиот карневал нема да се откаже, ќе се следат препораките од надлежните

Слободен печат