Целата рап заедница го мрази, а добротврните организации ги одбиваат неговите донации: Кој е раперот за кого целиот свет зборува? (ВИДЕО)
Сикснајн (6ix9ne) или уште познат како Текаши69, беше пуштен од затвор порано, бидејќи е астматичар и бил во поголем ризик од коронавирусот. Веднаш штом излезе од затвор, почна да руши рекорди и напиша историја во светот на рап музиката. Облечен во боите на виножитото и во друштво на 6 девојки, тој сними спот за песната „GOOBA“ со која сруши хип-хоп рекорд. Спотот беше прегледан преку 43 милиони пати за само 24 часа, а на Јутјуб повеќе од 200 милиони. Така што, го победи рекордот на Еминем од 2018 година со песната „Killshot“.
На Инстаграм пак, направи друг рекорд. На 8 мај објасни зошто го нарекуваат стаорец. Тој лајв пренос го слушаа повеќе од 2 милиони следбеници во живо, што го сруши претходниот рекорд на Дрејк кој беше околу 300 илјади. Луѓето го нарекуваат стаорец, поради издавањето на групата „Nine Tray“. Таа владее со Њујорк и Источниот Брег уште од 90-те. Први се огласија Снуп Дог и Мик Мил. Групата се обиде да го убие, да ја киднапира неговата мајка, но и да му ги прислушкува разговорите. Во обраќањето во живо тој изјави дека „GOOBA“ сепак не е освета.
Дали раперот е само лик кој е игран од страна на мексиканецот Даниел Хернандез? Неговиот адвокат инсистирал токму на тоа. Направил две личности. Првата е проблематична и опасна, но другиот дел од личнаста се обидува да ги поправи грешките на првата. За тоа време, оваа „одвоена“ личност од затворот, преку телефон купувала Ричард Мил часовници, Мекларен и Мерцедес Бенз џипови.
После затворската казна раперот станал почувствителен, па признал дека сфатил како докторите и медицинските сестри се вистински јунаци. Тој сакал да го сподели своето богатство со другите, но имал мал проблем со истото. Текаши се обидел да донира 200 илјади долари за „No Kid Hungry“, но добротворната организација тоа го одбила. Наводно, нивната мисија не се вклопувала со однесувањето на раперот.
Некои луѓе ја осудија и постапката на добротвотната организација, бидејќи не требала да ја одбие дадената помош од раперот, безразлика на неговиот карактер. И покрај неговите изјави за негово учество во обидот за убиство на раперот Чиф Киф и клеветење на многу познати рап личности, како што е и Карди Би, раперот смета дека многу голем дел од рап сцената има направено и полоши работи, затоа не треба да е само тој мета на критиките.
