Цела Југославија го сакаше Вучко: Пред 37 години во Сараево Сандра Дубравчиќ го запали олимпискиот оган
На 8 февруари 1984 година една од најдобрите југословенски лизгачки, Сандра Дубравчиќ, го запали олимпискиот пламен на Олимпискиот стадион „Кошево“ и го означи почетокот на најголемиот спортски настан одржан на југословенските простори дотогаш.
Зимските олимписки игри во Сараево се отворени на денешен ден пред 37 години и претставуваа врв на спортскиот успех на поранешна Југославија, која со три гласа ја претекна Јапонија и првпат во историјата ги организираше ЗОИ.
На Олимпијадата учествуваа 1.272 спортисти од 49 земји. Продадени биле повеќе од 250.000 влезници, а телевизискиот пренос го следеле две милијарди луѓе.
Заштитен знак на ЗОИ во Сараево беше Вучко, една од најпопуларните маскоти на игрите во историјата.
Мисијата на малиот волк, кому гласот му го позајми пејачот Здравко Чолиќ, била да ги зближи луѓето и животните од овој предел.
Олимпијадата во Сараево е прва на која била доделена парична награда за победниците. Од 12 милиони долари, колку што останало во Организацискиот одбор, 10 биле издвоени за дополнително уредување на олимписките арени.
View this post on Instagram
View this post on Instagram
View this post on Instagram
