Цел Карпош и Тафталиџе без струја
Во Општина Карпош во моментов нема струја, два дена ЕВН не може да го отстрани дефектот со трафостаницата. Исто така и населбата Тафталиџе е без струја.
Оставени се на милост и немилост оние кои среде овој студ немаат електрично напојување за да ги стоплат своите домови.
Исто така синоќа, портпаролот Атанас Ковачевски, за „Слободен печат“ рече дека нема простор за паника, дефектот ќе се реши за брзо време, но очигледно се уште се јавуваат проблеми.
-Во прашање е дефектна трафо- станица, која за брзо ќе се санира, а во меѓувреме се префрлаат корисниците на други мрежи, на други напојни точки- рече синоќа за „Слободен печат“ Атанас Ковачевски, портпарол на ЕВН.
Дефект во системот на електродистрибутивната мрежа, исто така, денеска ги остави граѓаните на Карпош, Козле и Тафталиџе без електрична енерегија.
Од Регионалниот центар за управување со кризи своевремено информираа дека екипи на ЕВН работат на отстранување на дефектот.