Царовскa: Во следните четири години заеднички да направиме суштински реформи во основното образование
Заедно во нови предизвици и остварувања. Подготвени сме да го испорачаме кон граѓаните она што го ветивме и договоривме. Заедно со вас, граѓаните, продолжуваме да создаваме држава со европски вредности и да ги реформираме системите“, објави на Фејсбук, новата министерка за образование, Мила Царовска.
„Во новиот мандат како министерка за образование и наука влегувам со огромен предизвик- да се најде баланс помеѓу зачувувањето на здравјето на населението и да започне учебната година. Сигурна сум дека сите заедно ќе го најдеме најдоброто решение и ќе имаме успешна учебна година.
Мојата цел е во следните четири години е со силна поддршка од мојот тим, колегите од владата, вработените во МОН, просветните работници, родителите и учениците заеднички да направиме суштински и сеопфатни реформи во основното образование. Да ги зајакнеме стручните средни училишта и да ги подобриме оценките на меѓународните тестирања кои ќе станат наша национална гордост.
Ќе работиме и на враќање на достоинството на наставниците и нивна мотивација. Иднината на децата зависи од нас. Сигурна сум дека можеме да ја промениме на подобро“, напиша Царовска.